कोरिया बाट नेपाली कामदारको लागि आयो अहिले सम्मकै ठुलो खुसिको खबर एकचोटी अबस्य पढ्नुहोस

दक्षिण कोरियामा कार्यरत विदेशी कामदारहरुले दक्षता पूर्ण कामदारको रूपमा आफूले चाहेसम्म कोरियामा परिवार सहित बस्न पाउने इ सेभेन फोर भिसा परिवर्तन गर्न पाउने भएका छन् । यही जुलाई १७ तारिख सार्वजनिक गरिएको इ सेभेन फोर भिसा इपिएसबाट काम गर्न आएका सम्पूर्ण इ नाइन तथा इ टेन र एच टु भिसा भएकाहरुले परिवर्तन गर्न पाउने छन् । यो अगष्ट महिनाबाट लागु गरिने छ ।

यो वर्षको अन्तसम्ममा ३ सय जनाले यो भिसा लिन पाउने कोरियन अध्यगमन कार्यलयले जनाइएको छ ।

कसले एप्लाइ गर्न पाँउछन् ?

कोरियामा लगातार चारदेखि ६ वर्षसभन्दा बढी काम गरेकाले यो भिसा अप्लाई गर्न सक्ने छन् । उत्पादनमूलक , उद्योग , कृषि, मत्यपालन र आवास निमार्ण क्षेत्रमा काम गर्ने सबै विदेशी कामदारले यो भिसा लिन सक्ने छन् । तर उत्पादनमूक कम्पनीमा काम गरेका भए १० जना भन्दा बढी र उद्योगमा पाँच जनाभन्दा बढी कोरियन कामदार हुनु पर्ने छ । यो भिसा लिएपछि हरेक दुई वर्षमा रिन्यु गर्नु पर्ने छ भने, एफ टु सेभेन, एफ टु नाइनटी नाइन , एफ फाइभ र एफ सिक्स भिसा परिवर्तन गर्न पाउने छन् ।

अंक कसरी निर्धारण हुन्छ ?

यो भिसा पाउनलाई विशेष गरी सीप, शिक्षा, उमेर, कोरियन भाषा क्षमता , सम्पत्ति र कामको अनुवभ विषयबाट अङ्क मूल्याङ्कन गरिने छ ।
त्यस्तै कोरियन शिक्षा अध्ययन, स्वयंमसेवा, सरकारबाट प्राप्त प्रसंशापत्र, सरकारी कार्यलयमा कम्तीमा दुई वर्ष काम गरेको अनुभव, बैङ्क बचत ३० लाख वन र ५० लाखको सम्पत्ति र वार्षिक १ लाख वन भन्दा बढी कर तिरेको लगायत विषयबाट पनि थप अङ्क लिन सकिने छ ।
विषयगत अनुसार भिन्न भिन्न अङ्क तोकिएको छ । पूर्ण अङ्क १ सय ८० भए पनि औसत रूपमा वार्षिक तलब २ करोड ६० लाख वन भन्दा माथि भए ५० आंक ल्याए पुग्ने छ । तर तलब सो भन्दा कम भए ७० अङ्क ल्याउनु पर्ने हुन्छ ।

विषयगत निम्न अनुसार अङ्क प्राप्त गर्न सकिने छ

औषत वार्षिक कमाई ३ करोड ३० लाख वन भए २० अङ्क,
३ करोड वन भए १५ अङ्क,
२ करोड ६० लाख वन भए १० अङ्क पाइनेछ
शिक्षा तर्फ स्नातक २०, प्रमापत्रतह १० र सो भन्दा मुनि ५ अङ्क पाइने ।
उमेर तर्फ ३९ वर्ष २,
३४ वर्ष ५,
२९ वर्ष १०
र २४ वर्षको २० अङ्क पाइने ।
कोरियन भाषा क्षमता ४ लेभल २०,
३ लेभल १५,
२ लेभल १०
र १ लेभलको ५ अङ्क
कामको अनुभव: उद्योगमा ६ वार्षभन्दा बढी काम गरेको २० ,
४ वर्ष काम गरेको १० अङ्क
उत्पादनमूलक क्षेत्रमा ६ वार्षभन्दा बढी काम गरेको १०,
४ वर्षको ५ अङ्क

साभार कान्तिपुर

Sharing is caring!

Add a Comment

Your email address will not be published. Required fields are marked *