अर्जुन दाहाल
२२ नोभेम्वर, २००९ - दुई जनवादी गायक मञ्जुल र प्रदिप देवनका साथ प्रथम नेपाली तारा दिपक लिक्बूले यूएईका दर्शकहरुको भरपुर मन जित्न सफल भए । नेपाली समाज यूएईले यहि २० नोभेम्वर २००९, शुक्रकारका दिन बरदुबईको अस्टोरिया होटलमा आयोजना गरेको रमाइलो साँस्कृतिक साँझका लागि यूएई आइएका यी तीन कलाकारहरु प्रति यूएइका नेपाली दर्शकहरु भावूक भए ।

"ए बरै ए बरै
बाबाले सोध्लानली खोइ छोरा भन्दै...."

"गाँउ गाँउबाट उठ बस्ति बस्तिबाट उठ,
यो देशको मुहार फेर्नलाई उठ............"

"मन यो चञ्चल
हाम्रो घर धौलागिरी अञ्चल
बाग्लुंग बजारमा
पानी र झुल्के घाम पख संगै जाम..."

"कोइत भने पसिना तरर हाम्रो नेपालमा
कोइ त भने जहाजमा हरर हाम्रो नेपालमा..."

जस्ता गीत गाएर पञ्चायती निरंकुशताको विरुद्ध जनतालाई जागरुप गराउने गायक मञ्जुलले दर्शकहरु कता कता साँच्चै देश प्रति भावूक भएका जस्ता देखिने बनाएका थिए ।

"अरुण तरेर नाना तमोर तरेर
आयौ हामी वीरताको गाथा कोरेर"

जनवादी गायक प्रदीप देवानको एनेकपा माओवादीको १० वर्षे जनयूद्धमा सहिद भएका व्यक्ति प्रति समर्पित यो जनवादी गीतले साच्चै नै जनयूद्धको झझल्को दिलाएको थियो ।

"रक्त क्रान्तिको ज्वाला....."

"कति वस्छौ आमा दिदी बहिनी हो ...."

जस्ता गीतले दर्शकहरु ताली बजाएर आफ्ना गाएक प्रदिप देवानको साथ दिन पछि परेनन् ।

"यहाँ देशको छ चिन्ता तिमी माया माया भन्छौ
साच्चै नबुझ्ने होकी नबुझ्नै जस्तै बन्छौ..."

नेपाली ताराको यो राष्ट्र भक्ति गजलले सबैलाई राष्ट्रप्रति एक पटक चिन्ता गर्न बाध्य तुल्यो ।

"तन परदेशी भयो मन गाँउ बेसी
आधा आधी बाच्नु पर्ने रैछ नियती,...."

प्रवासीको मनै छुने यो गीत गाए पछि नेपाली तारा दिपक लिम्बुलाई दर्शकहरुले उनको साथमा ताली बजाएर साथ दिएका थिए ।

साथै उक्त कार्यक्रममका यूएइका स्थानीय कलाकार किरण भट्टराई, प्रकाश पराजुली, ज्ञान लामा, सूर्य केसी, सुलोचना श्रेष्ठ, विमला श्रेष्ठ, रिजन थापा, पूर्ण तमु, दिपक गुरुंग, मिना वाइवा, अनिल दोजु, सरस्वती थोकर, शान्ती साह, सम्झना वाइवा, डिक्की योञ्जन, गोपाल स्याङबो, रविन परियार, प्रेम स्याङबो, यतिराज चापागाँई, रमेश, केशव न्यौपाने, नेक राज, केशु राज आदिले आआफ्नो कला प्रस्तुत गरेर जनवादी गायकद्व र नेपाली ताराको माझमा दर्शकहरुको तालिको गडगढाहट बटुल्न सफल भए ।